0

Ziyafət Əsgərov: Əxlaqsızlığa son qoyulmalıdır

Baxış: 90

Ziyafət Əsgərov: Əxlaqsızlığa son qoyulmalıdır

Bir qrup şəxs sosial şəbəkələrdə Azərbaycan prezidentinə qarşı əxlaqsızlıq nümayiş etdirir. Azərbaycan gücləndikcə, prezident İlham Əliyevin müstəqil siyasəti dəstək qazandıqca bu hücumlar artır. Onlar bu işdə bizim marginallardan istifadə edirlər.

Press-az.com-un məlumatına görə, bunu  Milli Məclis (MM) sədrinin birinci müavini Ziyafət Əsgərov deyib.

“Bu əxlaqsızlığa son qoyulmalıdır. Azərbaycana qarşı istənilən çirkin kampaniya iflasa məhkumdur. Çünki ulu öndər Heydər Əliyev bu dövləti yaradanda onun fundamentini çox möhkəm qoyub. Ona görə də həmin çirkin qüvvələr bilsinlər ki, bu dövləti sarsıda bilməzlər, Azərbaycan öz inkişaf yolu ilə daim irəli gedəcək”, - deyən birinci vitse-spiker qeyd edib ki, təhqir və böhtan cəzasız qalmamalıdır.

Onun sözlərinə görə, ölkə prezidenti Azərbaycanın sürətli inkişafının, təhlükəsizliyinin qarantıdır. 

“Ona görə də prezidentin müdafiəsi hər bir azərbaycanlının vətəndaşlıq borcudur. Dövlət başçısının ailəsinə ünvanlanan təhqir hər bir Azərbaycan vətəndaşının ailəsinə edilən təhqirdir. Ona görə də biz bir yumruq kimi birləşməli, bu insanlara, çirkin kampaniyalara layiqli cavab verməliyik.

Sosial şəbəkə vasitəsilə ölkəmizə qarşı aparılan təhqir, böhtan kampaniyasına son qoyulması üçün hüquqi baza təkmilləşdirilməlidir”, - deyə o əlavə edib.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz