sitename
0

Nazarbayev istefa verdi

Baxış: 158

Nazarbayev istefa verdi

Qazaxıstan prezidenti Nursultan Nazarbayev xalqa müraciətində istefa etdiyi bəyan edib.

Onun sözlərini RİA Novosti sitat gətirib.

“Mən prezident postunda səlahiyyətlərimi dayandırmaq barədə qərar qəbul etmişəm”, - dövlət başçısı deyib.

O, əlavə edib ki, Respublikanın Təhlükəsizlik Şurasının sədri vəzifəsində qalacaq və “Nur Otan” partiyasına rəhbərlik etməyi davam etdirəcək.

Qazaxıstan Konstitusiyasına əsasən, vaxtında əvvəl vəzifəsindən azad edilməsi və istefa verməsi, və ya ölməsi zamanı, seçkilərə qədər dövlət başçısının səlahiyyətləri parlamentin yuxarı palatasının (Senat – red.)sədrinə keçir.

Hazırda ölkə prezidenti vəzifəsini yeni seçkilərə qədər Qazaxıstan parlamentinin yuxarı palatasının sədri Kasım-Jomart Tokayev icra edəcək.

Qeyd edək ki, Qazaxıstanda sonuncu prezident seçkiləri 2015-ci ildə keçirilib. Nazarbayev 97,75 faiz səslə qələbə qazanıb. Növbəti seçkilər 2020-ci ildə nəzərdə tutulub.

İyul ayında Nazarbayevin 79 yaşı olacaq. O, 1990-cı ildən Qazaxıstanın prezidenti vəzifəsində olub.

Qazaxıstan qanunvericiliyə ilə Nazarbayevə millətin rəsmi lideri titulu verilib. Bu status Nazarbayevə prezident olub-olmamasından asılı olmayaraq ömürlük hakimiyyət səlahiyyətləri verir, həmçinin onu və ailə üzvlərini cinayət təqibindən azad edir.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz